طريقة عمل الكبيبة الشامي

ترى هذي الطريقه شويه متعبه لكن لو ظبطت معاكي هتطلع رووووووووووووووعه وماراح تعجبك ولا كبيبه الاهذي

حتى ضيوفك بينسو كل الي انتي مقدمته ويمسكو الكبيبه الين تخلص

المقادير:
-كيلو برغل ناعم
-كيلو الاربع لحم مفروم (هذا غير الي راح تحشي فيه الكبيبه)
-2 حبه بصل متوسطه
بهارات
ملح
فلفل اسود
شطه جافه ناعمه حسب الرغبه

الطريقه:-ينظف البرغل ويغسل وينقع لمدة نصف ساعه
ثم يصفى تماما

-نضيف عليه اللحم المفروم (نئ مو مستوي) ونضيف البصل (يكون البصل مفروم
ناااااااعم وتحطي جميع انواع البهارات والملح والشطه ويقلب جيدا"

-يفرم الخليط فرم ناعم جدا في (مكينة الكبه مو المفرمه الي تفرم خشن)

-نضعها بعد الفرم في وعاء ونغطيها كويس بكيس بلاستيك في الثلاجه لمدة ساعتين

-بعد مرور ساعتين تكوني جهزتي اللحم الي هتحشي فيه الكبيبه وتبدأي تقطعي
دوائر من عجينة الكبيبه وتكوريها براحة اليد ممكن تدهني يدك بشوية زيت او
ماء بارد وانتي بتكوريها عشان لا تلصق او تتشقق وتسوي فيها حفره باصباعك
بشويش عشان لا تتشقق او تثقب من الجهه الثانيه وتحطي فيها اللحم وتبدأي
تلفيها بطريقه دائريه عشان تنقفل مظبوط وتخليها على جنب وتسوي غيرها الين
تخلصي الكميه

-دخليها الفريزر الين تتجمد تماما وبعدين لما تجي تقليها لازم يكون الزيت
غزير وحار بس اول ما يسخن الزيت وتحطي الكبيبه ارخي النار شويه عشان تستوي
من جوه ولا تقلبيها الين تتحمر تماما من الاسفل بعدين اقلبيها بشويش

-بعدين ارفعيها من الزيت على ورق ناشف وتقدم علطول وهيه حاره

ممكن هذي الكبيبه تسوي منها كميات كبيره وتخزنيها عندك في الفريزر بالايام الين يجيكي ضيوف وتقليها عادي مايصيرلها شي

وبالهناء والعافيه

معليش طولت عليكم بس جربوها وانشاء الله تعجبكم

تقريبا" زي كده بيكون شكلها

طريقة عمل الكبيبة الشامي 281

لا تفوتكم..

» طريقة عمل الكريب
» طريقة عمل الفسيخ
» طريقة عمل قرع العسل
» طريقة عمل المايونيز
» طريقة عمل الثومية