طريقة عمل الديك الرومي المحشي

طريقه الديك الرومى المحشى رز


بصوا بقى طبعا محتاجين رز والديك طبعا ( لو مش عايزه تعملى ديك وتضحكى عليهم انتى حره وانا مش مسئوله)
وعايزين بقى بهارات بس لازم فى بهارتك يكون فى جنزبيل مطحون لانه بيطلع سميات الجسم بينضف يعنى الجسم

وبعدين تجيبى الرز بقى وركزى معايا فى الطريقه اوك

هتجيبى بصله او اكتر حسب كميه الرز ماشى وبعدين تحطيها على النار يادوب بس تقليبتين يعنى متسيبيهاش تحمر او كدا خلاص وبدين بتحطى بهاراتك وبعدين بتحطى بقى شوفى هتحطى فى الرز مكسرات ولا كبده وكدا

احنا هنفترض انها كبده اوك
هتحطى الكبده على البصل وتقلبتين وتحطى الرز وتقلبيه وبعدين تضيفى مايه بس مش كتير يعنى مش زى ماتكونى بتسوى رز عادى لا اقل كمان واسمعوا كلامى بالحرف عشان الرز ميتهريش ويعجن جوا الديك خليه كدا مفلفل بس فى حاجه بقى انا عموما لما بعمل طيور محشيه مش بسقى الرز بالمايه لا بسقيه بشوربه الطيور دى سواء كانت بقى فراخ او بط او اى حاجه وبما ان الديك مش هتسلقيه يبقى انتى بتجيبى يا اما شوربه فراخ يا اما مايه ومكعب ماجى
ولما يشرب ميه بتطلعيه وتحطى الرز جوا الديك وبعدين بتقفليه بالخله بتاعت الشيش طاووك عارفينها؟؟

وبعدين بتحطيه بردو فى الفرن وتسويه عادى زىالاول
فى بقى حركه انا بعملها ومشوفتش حد غيرى بيعملها بصى بتجيبى بخاخه ماشى وبتجيبى لكل كوبايه مايه معلقه صلصه وبعدين تحطيه المايه والصلصه فى البخاخه وترجيها على تمتزج وبعيدن بعد ماتحشى الديك الرومى ترشى عليه المايه دى من بره فى كل الجوانب وبعدين تحطيف فى الفرن
تروحى بقى كل شويه وتفتحى الفرن وترشى الديك بالمايه والصلصه وهكزا لغايه مايخلص سوا
هتلاقيه بقى مستوى كويس اوى وواخد كدا اللون الذهبى ومش هتلاقيه ناشف من بره يعنى هتلاقيه من جوا ومن برا مستوى والرز كمان استوى على بخار الديك وبقى كله طعم واحد

يلا بقى قولولى رأيكم واى اكله انا هنا انتوا بس قولوا يا بسبس وهتلاقونى جيت علطووووووووووووووووووول


بنات اللى تعجبها الوصفه تدعى اللهم عجل زواج صديقتى امين يارب العالمين